Presidenti amerikan Donald Trump ka deklaruar se Shtetet e Bashkuara dhe Irani janë shumë pranë arritjes së një marrëveshjeje, duke theksuar se kanë mbetur vetëm disa çështje për t’u zgjidhur.
Gjatë deklaratës së tij, Trump u shpreh optimist për ecurinë e bisedimeve, duke lënë të kuptohet se negociatat kanë shënuar progres të rëndësishëm në periudhën e fundit.
Ai theksoi se palët po punojnë për të kapërcyer dallimet e mbetura, ndërsa një marrëveshje e mundshme mund të ketë ndikim të rëndësishëm në zhvillimet rajonale dhe ndërkombëtare.
Deklarata vjen në një kohë kur vëmendja e komunitetit ndërkombëtar mbetet e përqendruar te marrëdhëniet mes SHBA-së dhe Iranit, si dhe te rezultatet që mund të sjellin negociatat në vazhdim.
