Pas raportimit të Sinjalit lidhur me lokalin e vendosur në ambientet e Hotel Therandës, ka reaguar kryetari i Komunës së Prizrenit, Shaqir Totaj.
Totaj ka deklaruar se për projektin janë siguruar të gjitha lejet e nevojshme në përputhje me procedurat ligjore, duke sqaruar se konstruksioni që ka ngjallur reagime në opinion është duke u larguar.
Ai ka theksuar se institucionet komunale kanë vepruar në përputhje me kompetencat e tyre dhe se çdo veprim është ndërmarrë duke respektuar legjislacionin në fuqi.
Reagimi i kryetarit vjen pas interesimit të madh publik për këtë çështje, ndërsa autoritetet lokale pritet të vazhdojnë me sqarimet për opinionin lidhur me zhvillimet në këtë rast.
