Deputetja e Aleancës për Ardhmërinë e Kosovës, Time Kadrijaj, ka akuzuar kryeministrin në detyrë, Albin Kurti, se po imponon një agjendë politike në procesin e konstituimit të Kuvendit.
Kadrijaj ka deklaruar se nëse seanca konstituive nuk mbahet sipas afateve dhe procedurave të parapara, kjo mund të sjellë pasoja juridike dhe institucionale.
Sipas saj, institucionet duhet të respektojnë Kushtetutën dhe vendimet përkatëse, duke shmangur çdo veprim që mund të thellojë bllokadën politike.
Ajo ka bërë thirrje që procesi i konstituimit të Kuvendit të zhvillohet në përputhje me rregullat ligjore, në mënyrë që vendi të ecë drejt funksionalizimit të plotë të institucioneve.
Deklaratat e Kadrijajt vijnë në kohën kur partitë politike vazhdojnë konsultimet për zhbllokimin e procesit dhe formimin e institucioneve të reja.
