Një aksident i rëndë trafiku ka ndodhur sot në Kijevë të Malishevës, ku janë përfshirë tri vetura.
Sipas pamjeve nga vendi i ngjarjes, përplasja ka qenë e fortë dhe dyshohet se si pasojë ka persona të lënduar. Në vendin e ngjarjes kanë dalë njësitet përkatëse, ndërsa autoritetet pritet të japin më shumë detaje lidhur me rrethanat e aksidentit.
Deri në publikimin e raportimeve të para, nuk është konfirmuar zyrtarisht numri i personave të lënduar apo gjendja e tyre. Hetimet pritet të sqarojnë se si ka ardhur deri te përplasja mes tri automjeteve.
