Kryesia e Lidhjes Demokratike të Kosovës ka mbështetur marrëveshjen e arritur me Lëvizjen Vetëvendosje lidhur me zgjedhjen e presidentit të Kosovës.
Vendimi vjen pas dakordimit politik mes dy subjekteve për kandidaturën e Bekim Sejdiut për president.
Sipas marrëveshjes, LDK-ja dhe Vetëvendosje synojnë të sigurojnë mbështetjen e nevojshme në Kuvend për zgjedhjen e presidentit dhe tejkalimin e ngërçit institucional.
Mbështetja nga Kryesia e LDK-së i hap rrugë procedimit të mëtejshëm të marrëveshjes dhe kandidaturës së Sejdiut në Kuvend.
Megjithatë, mbetet e rëndësishme të shihet nëse të gjithë deputetët e LDK-së do ta mbështesin marrëveshjen, pasi më herët janë shfaqur qëndrime kundërshtuese nga disa zyrtarë të partisë.
Tashmë vëmendja pritet të përqendrohet te procesi në Kuvend dhe votimi për presidentin, i cili kërkon sigurimin e numrit të nevojshëm të votave.
