Një moment emocionues është regjistruar gjatë protestës së 15 tetorit në Shqipëri, ku familjarët e një efektivi policie kanë shkuar për ta takuar dhe për t’i sjellë ushqim, teksa ai ndodhej në krye të detyrës.
Në pamjet e publikuara shihet polici duke takuar familjarët, ndërsa vëmendjen e merr momenti kur një fëmijë i vogël i afrohet dhe e përqafon.
Takimi i shkurtër familjar ka sjellë një moment ndryshe në një ditë protestash të shoqëruara me tensione.
Pamjet tregojnë edhe anën njerëzore të punonjësve të policisë, të cilët, përveç përgjegjësive profesionale, kanë familjarë që i presin dhe kujdesen për ta.
Videoja është publikuar më 15 tetor, ndërsa identiteti i efektivit dhe vendndodhja e saktë e takimit nuk janë bërë të ditura.
