Nëse mendonit se kampingu në festivale do të thotë baltë, lagështi dhe hapësira të ngushta, videot e fundit që vijnë nga Coachella do t’ju bëjnë të mendoni përsëri.
Ky vit ka shënuar lindjen e një trendi të ri të quajtur “kamping performues”.
Në vend të tendave të thjeshta, pjesëmarrësit në Palm Springs po krijojnë shtëpi të vërteta luksoze pas makinave të tyre, duke i kthyer ato në oaza që ngjasojnë me hotelet me pesë yje.
Ky trend nuk ka të bëjë vetëm me rehatinë, por edhe me estetikën. Çdo detaj është i menduar për t’u dukur bukur në rrjetet sociale. Një nga protagonistet e këtij stili, Ali Calder, u bë virale në TikTok me miliona shikime, duke treguar “kampingun” e saj të pabesueshëm.
Edhe pse kampingu me makinë ka ekzistuar gjithmonë, mënyra se si po bëhet këtë vit po ngjall debate të shumta. Shumë njerëz e quajnë këtë “kamping performues”, pasi qëllimi kryesor është filmimi i ambientit për ndikim në mediat sociale sesa vetë shijimi i festivalit. /Klankosova.tv
