Instituti Kombëtar i Shëndetësisë Publike të Kosovës (IKShPK) ka njoftuar se që nga muaji prill janë regjistruar 40 raste me fruth në vend, ndërsa katër prej tyre janë raportuar vetëm gjatë javës së fundit.
Autoritetet shëndetësore kanë shprehur shqetësim për përhapjen e kësaj sëmundjeje ngjitëse dhe kanë bërë thirrje që qytetarët të sigurohen se janë të vaksinuar sipas kalendarit të imunizimit.
Sipas ekspertëve të shëndetësisë, vaksinimi mbetet mënyra më efektive për parandalimin e fruthit dhe për mbrojtjen e shëndetit publik, veçanërisht te fëmijët dhe grupet më të ndjeshme.
IKShPK ka apeluar për kujdes të shtuar dhe respektim të rekomandimeve shëndetësore, me qëllim të parandalimit të rasteve të reja dhe ruajtjes së sigurisë shëndetësore në vend.
