Ka përfunduar afati i katërt për përmbushjen e reformave në kuadër të Planit të Rritjes së Bashkimit Evropian për Ballkanin Perëndimor, ndërsa Komisioni Evropian pritet të publikojë vlerësimin për progresin e vendeve përfituese.
Plani i Rritjes synon përshpejtimin e reformave ekonomike, institucionale dhe sundimit të ligjit, duke ofruar mbështetje financiare për vendet e rajonit që përmbushin kriteret e përcaktuara.
Komisioni Evropian do të shqyrtojë zbatimin e obligimeve nga secili shtet dhe, në bazë të rezultateve, do të vlerësojë nivelin e progresit të arritur dhe hapat e mëtejshëm në proces.
Vlerësimi i KE-së konsiderohet i rëndësishëm për vazhdimin e përfitimit të fondeve nga Plani i Rritjes dhe për avancimin e reformave që lidhen me integrimin evropian të vendeve të Ballkanit Perëndimor.
