Këshilli Prokurorial i Kosovës (KPK) ia ka përcjellë Presidentes së Kosovës, Vjosa Osmani, nominimin e Zejnullah Gashit për pozitën e Kryeprokurorit të Shtetit.
Ky veprim vjen pas përfundimit të procedurave të përzgjedhjes nga KPK, i cili e ka propozuar Gashin për emërim në krye të institucionit të Prokurorit të Shtetit.
Sipas procedurave ligjore, pas pranimit të nominimit, Presidentja do të shqyrtojë propozimin dhe do të vendosë për dekretimin ose kthimin e tij për rishqyrtim, në përputhje me kompetencat kushtetuese.
Emërimi i Kryeprokurorit të Shtetit konsiderohet një proces me rëndësi për funksionimin e sistemit të drejtësisë dhe udhëheqjen e institucionit të prokurorisë në Kosovë.
