Rezultatet e fundit zgjedhore kanë thelluar debatet brenda Lidhjes Demokratike të Kosovës (LDK), ku një grup delegatësh po kërkojnë shkarkimin e kryetarit të partisë, Lumir Abdixhiku.
Sipas burimeve, pakënaqësitë lidhen me rezultatin zgjedhor dhe drejtimin politik të LDK-së, ndërsa delegatët kanë iniciuar procedurat e brendshme për thirrjen e Kuvendit të Jashtëzakonshëm të partisë.
Zhvillimet vijnë në një kohë kur brenda LDK-së po zhvillohen diskutime intensive për të ardhmen e subjektit politik, ndërsa organet e partisë janë duke shqyrtuar vlefshmërinë e nënshkrimeve të dorëzuara për mbajtjen e Kuvendit.
Pritet që në ditët në vijim të ketë zhvillime të reja lidhur me proceset e brendshme dhe vendimet që do të merren nga strukturat drejtuese të LDK-së.
