Ish-kryetari i Kuvendit të Kosovës dhe ish-zëdhënësi i UÇK-së, Jakup Krasniqi, është dënuar me 25 vjet burgim nga Dhomat e Specializuara të Kosovës në Hagë. Në dënim do t’i llogaritet koha e kaluar deri më tani në paraburgim.
Trupi gjykues shpalli fajtorë Krasniqin, Hashim Thaçin, Kadri Veselin dhe Rexhep Selimin për krimet e luftës të ndalimit arbitrar, trajtimit mizor, torturës dhe vrasjes. Në të njëjtën kohë, ata u shpallën të pafajshëm për akuzat për krime kundër njerëzimit, pasi trupi gjykues vlerësoi se Prokuroria nuk e kishte provuar përtej dyshimit të arsyeshëm ekzistencën e një sulmi të gjerë ose sistematik kundër popullsisë civile.
Sipas vendimit të gjykatës, Krasniqi u dënua me 25 vjet burgim, Thaçi me 25 vjet, Veseli me 18 vjet dhe Selimi me 13 vjet.
Për Krasniqin, trupi gjykues tha se, në cilësinë e anëtarit të Shtabit të Përgjithshëm dhe Drejtorisë Politike, zëdhënësit dhe zëvendëskomandantit të UÇK-së, ai kishte rol në politikën që gjykata e konsideroi të drejtuar ndaj personave të perceptuar si kundërshtarë.
Procesi ndaj katër ish-krerëve të UÇK-së kishte nisur në prill të vitit 2023, ndërsa shpallja e aktgjykimit u bë më 16 shtator 2026 në Hagë.
