Kryetari i Partisë Demokratike të Kosovës, Bedri Hamza, ka reaguar pas aktgjykimit të Gjykatës Speciale ndaj Hashim Thaçit, Kadri Veselit, Rexhep Selimit dhe Jakup Krasniqit, duke e cilësuar 16 shtatorin si “ditë të rëndë për Kosovën”.
Në një konferencë për media, Hamza ka thënë se, sipas qëndrimit të tij, vendimi i shpallur nuk përfaqëson vullnetin e popullit të Kosovës dhe se me të nuk është parë drejtësi. Këto janë vlerësimet politike të kreut të PDK-së për aktgjykimin.
“Për ne ky gjykim është padrejtësi e madhe sepse atje u dënuan ata që ia kushtuan rininë e jetën Kosovës”, ka deklaruar Hamza. Ai ka pretenduar gjithashtu se vendimi është mbështetur edhe në materiale që, sipas tij, janë fabrikuar nga propaganda serbe.
Kreu i PDK-së ka thënë se pret që në procedurën e apelit të rishqyrtohen me kujdes konkluzionet e shkallës së parë.
“Sot është ditë e rëndë për Kosovën, por sot nuk përfundon historia. Presim që në Apel të shqyrtohen me saktësi konkluzionet”, ka deklaruar ai.
Hamza ka kërkuar që institucionet e Kosovës të ndërmarrin veprime për, siç është shprehur ai, zbardhjen e së vërtetës, ndërsa ka bërë të ditur se edhe PDK-ja është e gatshme të ndërmarrë veprime konkrete ligjore lidhur me rastin.
