Një aksion policor kundër narkotikëve është zhvilluar në rrugën “Bahri Fazliu” në Podujevë, ku një i ri raportohet se është hasur duke paketuar substancë të dyshuar narkotike të llojit marihuanë.
Sipas informacioneve fillestare, i dyshuari është kapur gjatë paketimit të substancës, ndërsa rasti është identifikuar në kuadër të ndërhyrjes policore.
Ende nuk dihet sasia e marihuanës së gjetur, mosha e saktë e të dyshuarit dhe nëse ndaj tij është caktuar ndonjë masë ndalimi.
Për rastin priten informacione shtesë nga autoritetet kompetente.
