Një 25-vjeçar në SHBA, Darren Shida Zhou, është arrestuar pasi dyshohet se kishte përshkruar në bisedat me ChatGPT një plan për ta rrëmbyer, përdhunuar dhe vrarë ish-të dashurën e tij 21-vjeçare.
Sipas dokumenteve gjyqësore, Zhou kishte shkruar se do ta vriste ish-partneren nëse ajo nuk pranonte të rikthehej me të. Sistemet e sigurisë së OpenAI e identifikuan përmbajtjen si kërcënuese dhe informacioni iu raportua autoriteteve amerikane, përfshirë FBI-në.
Pas arrestimit, ai pranoi fajësinë dhe u dënua me tetë vjet liri të mbikëqyrur. Gjykata i ndaloi kontaktin me ish-të dashurën dhe posedimin e armëve, ndërsa për dy vjet do të jetë nën monitorim elektronik.
