Një ngjarje e rëndë është regjistruar të shtunën në fshatin Nikaj të Kaçanikut, ku një 19-vjeçar është gjetur pa shenja jete.
I riu është identifikuar si Enver Palloshi, 19 vjeç.
Policia është njoftuar për rastin rreth orës 13:30, pasi familjarët e kishin gjetur të riun pa shenja jete.
Në vendin e ngjarjes kanë dalë njësitet policore të Kaçanikut, hetuesit rajonalë, ekipet e forenzikës dhe ekipi mjekësor i Qendrës Kryesore të Mjekësisë Familjare në Kaçanik.
Ekipi mjekësor ka konstatuar vdekjen e 19-vjeçarit.
Pas ekzaminimit fillestar të vendit të ngjarjes dhe trupit, Policia ka bërë të ditur se nuk janë evidentuar elemente që ngrenë dyshime për përfshirjen e personave të tjerë.
Sipas të dhënave fillestare të Policisë, ekziston dyshimi se i riu mund t’i ketë dhënë fund jetës. Megjithatë, rrethanat e plota të vdekjes ende janë duke u hetuar dhe ky vlerësim mbetet fillestar.
Për rastin është njoftuar edhe Prokurori i Shtetit, i cili ka autorizuar hetuesit rajonalë që të vazhdojnë veprimet për sqarimin e plotë të rrethanave.
Hetimet për rastin vazhdojnë.
