Policia e Kosovës ka zhvilluar një aksion gjatë procesit zgjedhor, ku katër persona kanë përfunduar në pranga në lidhje me dyshimet për shkelje që lidhen me procesin e votimit.
Burime të Sinjalit bëjnë të ditur se aksioni është realizuar pas informacioneve dhe veprimeve operative të autoriteteve kompetente, ndërsa të dyshuarit janë shoqëruar për procedura të mëtejshme.
Institucionet e rendit dhe sigurisë kanë qenë të angazhuara gjatë gjithë ditës për të garantuar mbarëvajtjen e procesit zgjedhor dhe për të trajtuar çdo rast që mund të cenojë integritetin e zgjedhjeve.
Detaje të tjera rreth rastit dhe veprimeve të ndërmarra nga autoritetet pritet të bëhen të ditura pas përfundimit të procedurave përkatëse.
