Ministrja në detyrë e Drejtësisë, Albulena Haxhiu, ka marrë pjesë në ceremoninë e pranimit të komandës në Camp Bondsteel, një nga bazat kryesore të misionit të KFOR-it në Kosovë.
Gjatë ceremonisë u shënua ndërrimi i komandës, në prani të përfaqësuesve të institucioneve vendore, zyrtarëve ndërkombëtarë dhe pjesëtarëve të KFOR-it.
Haxhiu vlerësoi rolin e KFOR-it në ruajtjen e paqes, sigurisë dhe stabilitetit në Kosovë, duke theksuar rëndësinë e bashkëpunimit të vazhdueshëm ndërmjet institucioneve të Kosovës dhe partnerëve ndërkombëtarë.
Ceremonia shënoi transferimin zyrtar të përgjegjësive komanduese, ndërsa misioni i KFOR-it vazhdon të mbetet një faktor kyç në garantimin e një mjedisi të sigurt dhe të qetë në vend.
