Një 47-vjeçar me shtetësi kosovare është arrestuar në Ulqin nga autoritetet malazeze, nën dyshimet për përfshirje në një rast vjedhjeje.
Gjatë kontrollit, policia ka sekuestruar edhe një sasi të substancës narkotike të dyshuar heroinë, e cila do t’i nënshtrohet ekzaminimeve përkatëse.
Sipas autoriteteve, i dyshuari është ndaluar dhe ndaj tij janë ndërmarrë procedurat ligjore, ndërsa hetimet po vazhdojnë për të sqaruar të gjitha rrethanat e rastit.
Policia pritet të japë më shumë detaje pas përfundimit të veprimeve hetimore.
