Elon Musk ka bërë një tjetër parashikim të bujshëm për të ardhmen, duke thënë se përparimi i inteligjencës artificiale dhe robotikës mund ta bëjë paranë shumë më pak të rëndësishme në vitet e ardhshme.
Sipas Musk, rritja e automatizimit dhe prodhimit nga makineritë mund të krijojë një ekonomi ku puna njerëzore nuk do të jetë më domosdoshmëri si sot.
Ai ka argumentuar se në një të ardhme të tillë, njerëzit mund të mos kenë më të njëjtën nevojë për kursime apo të ardhura tradicionale, ndërsa ideja e një të ardhure universale është përmendur si një mundësi.
Parashikimet e Musk kanë nxitur debat të madh, me disa që i shohin si vizion teknologjik, ndërsa të tjerë i konsiderojnë tepër optimiste.
