Një rast i rëndë i dhunës në familje po hetohet nga autoritetet, pasi një vajzë e mitur është larguar nga shtëpia ku jetonte dhe është strehuar te babai i saj.
Sipas informacioneve të siguruara nga Sinjali, e mitura ka raportuar se është dhunuar fizikisht nga vjehrra e saj, ndërsa partneri 17-vjeçar dyshohet se ka kërcënuar familjarët e vajzës.
Rasti është denoncuar në Polici, e cila ka nisur hetimet për zbardhjen e plotë të ngjarjes dhe verifikimin e pretendimeve të paraqitura.
Autoritetet kompetente po ndërmarrin veprimet e nevojshme procedurale, ndërsa rasti po trajtohet sipas legjislacionit në fuqi për mbrojtjen e të miturve dhe rastet e dhunës në familje.
Hetimet janë në vazhdim dhe pritet që pas grumbullimit të provave të merren vendimet përkatëse nga organet e drejtësisë.
