Ministrja e Drejtësisë, Albulena Haxhiu, ka reaguar pas vrasjes së një 80-vjeçareje në Prizren, duke kërkuar që institucionet të ndërmarrin masa më të fuqishme kundër dhunës ndaj grave.
Haxhiu ka përsëritur se dhuna ndaj grave dhe dhuna në familje mbeten një problem serioz, ndërsa ka kërkuar trajtim më të ashpër dhe më prioritar të këtyre rasteve nga institucionet e drejtësisë. Në një reagim të mëhershëm, ajo kishte paralajmëruar edhe ashpërsimin e trajtimit penal të femicidit.
