Presidenti i FIFA-s, Gianni Infantino, ka përshkuar rreth 112 mijë kilometra me avion privat gjatë zhvillimit të Kupës së Botës 2026, sipas të dhënave të publikuara nga mediat ndërkombëtare.
Udhëtimet e Infantinos janë realizuar për të ndjekur ndeshjet në qytete të ndryshme pritëse, si dhe për të marrë pjesë në takime zyrtare dhe aktivitete të organizuara gjatë turneut.
Përdorimi i avionit privat ka ngjallur reagime dhe kritika, veçanërisht nga organizatat që merren me mbrojtjen e mjedisit, të cilat kanë ngritur shqetësime për ndikimin e emetimeve të karbonit.
Nga ana tjetër, FIFA ka theksuar se axhenda e ngjeshur e presidentit dhe nevoja për të qenë i pranishëm në një numër të madh aktivitetesh gjatë Botërorit e kanë bërë të domosdoshëm përdorimin e këtij mjeti transporti.
