Sekretarja e Përgjithshme e PDK-së, Vlora Çitaku, ka reaguar për procesin gjyqësor ndaj ish-krerëve të UÇK-së në Hagë, duke thënë se në paraburgim nuk ndodhen vetëm katër individë, por përfaqësues të Ushtrisë Çlirimtare të Kosovës dhe të luftës për liri.
Çitaku ka përmendur veçmas Hashim Thaçin, Kadri Veselin, Jakup Krasniqin dhe Rexhep Selimin, duke theksuar se ata, sipas saj, duhet të shihen përtej përkatësive të tyre partiake.
Ajo ka deklaruar se më 16 shtator nuk do të vendoset vetëm për fatin personal të katër të akuzuarve, por edhe për mënyrën se si do të kujtohet dhe kuptohet lufta e Kosovës për liri.
Gjykata Speciale në Hagë ka caktuar 16 shtatorin 2026 si datën për shpalljen e aktgjykimit ndaj Thaçit, Veselit, Krasniqit dhe Selimit. Vendimi pritet të shpallet në orën 10:00.
Çitaku ka bërë thirrje që më 16 shtator, përtej dallimeve politike, vëmendja të jetë te Kosova dhe historia e saj.
