80-vjeçarja Liza Dushi është gjetur pa shenja jete në shtëpinë e saj në Prizren, ndërsa bashkëshorti i saj, 81-vjeçari Bardhi Dushi, është arrestuar nën dyshimin për vrasje të rëndë. Sipas Prokurorisë, dyshohet se viktima është privuar nga jeta pas ushtrimit të dhunës fizike.
Ngjarja është raportuar rreth orës 01:30 në rrugën “Rifat Ukimeri”. Në shtëpi ndodhej vetëm çifti. Në trupin e 80-vjeçares janë evidentuar lëndime, ndërsa trupi është dërguar për obduksion në Institutin e Mjekësisë Ligjore.
Bashkëshorti i saj është ndaluar për 48 orë, ndërsa Prokuroria ka paralajmëruar se do të kërkojë caktimin e paraburgimit. Deri tani, motivi i ngjarjes mbetet i panjohur.
