Komuna e Junikut ka nisur një iniciativë për promovimin e ndarjes së mbeturinave, duke vendosur etiketa dhe udhëzues informues në kontejnerët e mbeturinave.
Përmes kësaj nisme synohet që qytetarët të informohen më mirë për mënyrën e klasifikimit të mbetjeve dhe të kontribuojnë në një menaxhim më të mirë të mbeturinave në komunë.
Udhëzuesit e vendosur në kontejnerë tregojnë llojet e mbeturinave që duhet të hidhen në hapësirat përkatëse, me qëllim lehtësimin e procesit të riciklimit dhe reduktimin e ndotjes së ambientit.
Nga Komuna kanë bërë të ditur se kjo masë është pjesë e përpjekjeve për rritjen e vetëdijesimit qytetar dhe përmirësimin e sistemit të menaxhimit të mbeturinave.
Autoritetet lokale kanë apeluar te banorët që t’i respektojnë udhëzimet dhe të ndihmojnë në ruajtjen e pastërtisë së mjedisit.
Nisma të tilla synojnë të krijojnë një kulturë më të madhe të riciklimit dhe përgjegjësisë ndaj ambientit, duke e bërë menaxhimin e mbeturinave më efikas dhe më të qëndrueshëm.
