Një person ka humbur jetën në Prishtinë, në një rast që dyshohet se ka ndodhur pasi ai ka rënë nga një objekt.
Sipas informacioneve fillestare, ekipet emergjente dhe Policia e Kosovës kanë dalë menjëherë në vendin e ngjarjes, ku është konstatuar vdekja e viktimës.
Rrethanat në të cilat ka ndodhur ngjarja ende nuk janë sqaruar, ndërsa autoritetet kanë nisur hetimet për të zbardhur shkakun dhe mënyrën se si ka ndodhur rasti.
Trupi i pajetë është dërguar për obduksion, ndërsa hetimet pritet të përcaktojnë të gjitha rrethanat e ngjarjes.
